Sot shënohet 27-vjetori i Betejës së Koshares, një nga përballjet më të rëndësishme të Ushtrisë Çlirimtare të Kosovës gjatë luftës për liri.
Më 9 prill 1999, luftëtarët e UÇK-së, nën udhëheqjen e Brigadës 138 “Agim Ramadani”, arritën të thyejnë vijën kufitare mes Kosovës dhe Shqipërisë, duke hapur një korridor të rëndësishëm për furnizime me armatim dhe mbështetje logjistike.
Kjo betejë vazhdoi deri më 10 qershor 1999, duke u zhvilluar në kushte shumë të vështira, por me vendosmëri dhe sakrificë të madhe nga luftëtarët shqiptarë.
Thyerja e kufirit në Koshare kishte rëndësi të madhe jo vetëm strategjike, por edhe simbolike, pasi u konsiderua një hap i rëndësishëm drejt çlirimit të Kosovës.